PO VJEN BEHARI
Nga Luan Çipi
Dimri po ikën, e mundi behari,
Pemët për rreth lulëzojnë,
Bora po shkrihet, iku acari,
Bilbila e turtuj, po cicërojnë.
Në qoshk të pullazit, dy dallëndyshe,
Te foleja e vjetër, nga ikën po vijnë,
Lejlekët e moçëm, s’më ngjajnë ndryshe,
Sërish majë lisi, erdhën të rijnë.
Ata, më njohën, me sqep përshëndetën,
Dhe unë, tunda dorën plot dashuri,
Shtegtuan, u kthyen, prapë këtu më gjetën,
I sodis i malluar me shumë kërshëri.
Skena ripërtëritëse kam parë në shumë vite,
Natyra, herë nxin e zbardh e herë jeshilon,
Zogjtë shtegtojnë ndër të tjera vise,
Veç koha, në një cens rend, po ti s’e gëzon.
Tiranë, 15.04.2018
Comments
-----