NJË LAJM NGA STAMBOLLI
Nga Luan Çipi
Mbërriti një lajm i beftë prej Turqie,
Nga qyteti i madh, direkt nga Stambolli
E përcjell stërmbesa me emrin Ruye,
Ky kumtë me vlerë, kënaqësi na solli.
Engjëllorja Ruye është racë shqiptare,
Vetull e sy të bukur, balli i lart krenar,
Mbledhur gishtat zemër direkt, hapur fare,
Hundë e buzë biskonjë, mise, nur i parë.
-Gjyshi im i dashur, kam një porosi,
Prej Anesë në Turqi, që quhet Ilhan:
“Nuk do më tres dheu, shqetësuar po rri,
Pa i parë të mijtë, nuk do e jap xhan!”
Farefisi im, gjallon në disa familje,
Mbiemri Çipi, me rrënjë në Gjirokastër,
T’i gjesh në Atdhe, duhen dhjetëra milje:
Vlorë, Tiranë e Korçë, gjer në Mallakastër!
Dikur në Turqi, me pesë milionë shqiptarë,
Shquhej Musa Qazimi, guvernator i shquar,
Qamil Bektash Çipi, burrë me zemrën ar,
Me të katër vajzat dhe dy djem të çmuar.
Djali i madh Qemali, i dyti Burhani,
Vajzat: Firdez, Muzafere, Ilhani, Ajhani,
Familjet u shtuan, shkuan ku ish më mirë
Në Ankara, Stamboll, Budrum e Izmir.
Ishin ushtarakë, nëpunës, tregtarë,
Punuan me zell, besë e ndershmëri,
Bënë krushqi me Turq, Çamë e Shqiptarë,
Qytetarë korrektë, në paqe e harmoni.
Falënderojmë Fejsbukun, që na pleksi fijet,
Bukuroshen Ruye, stërmbesën nismëtare,
Sa do dëshironim t’i vazhdojmë lidhjet,
Hapat e mëtejshme, të jenë ngadhënjimtare!
Tiranë, më 25.04.2017
Comments
-----