Nga Keze Kozeta Zylo

Po të ishte Ismail Qemali gjallë do të kishte udhëtuar nga Vlora në këmbë për t’i puthur në ballë një e nga një këta mbrojtës të zjarrtë të Gjuhës Shqipe në Amerikë, ndërsa Fan Noli nga qielli i shpirtit do të ripërsëriste refrenin:  “Mbahu Nëno mos ki frikë/ se ke djemtë në Amerikë”!…

Në një ditë të bukur Maji ku bluja e qiellit harmonizohej si në pikturë me ngjyrën jeshile të gjetheve dhe nuancat e saj nëpër pemët që i rrinin si kuroë qytetit historik Waterbury në shtetin e Konektikat u organizua Festivali i katërt i Shkollave Shqipe në Amerikë. 

Radhën e organizimit të Festivalit e kishte Shkolla Shqipe “Hasan Prishtina” në Waterbury me president të saj z.Rakip Etemi.  Realizimi i programit u krye në shkollën publike amerikane që mban emrin e presidentit të 35-të të Amerikës John Kennedy.

Kjo ide e mbajtjes së Festivalit të shkollave Shqipe ka qenë hedhur katër vite më parë nga ish Konsulli i Përgjithshëm i Kosovës në New York, z.Bekim Sejdiu të cilit i jemi mirënjohës.

Prindër, mësues, nxënës si dhe dashamirës të shkollave shqipe udhëtuan nga larg gati

2-3 orë për të arritur ne destinacionin e duhur dhe për të marrë pjesë në këtë aktivitet të rëndësishëm kulturor kombëtar, disa prej tyre kishin ardhur një ditë më parë.

Është festive dhe mjaft atdhetare të dëgjosh zërat shqip te fëmijeve dhe të shikosh nga afër kostumet kombëtare dhe veshjet kuq e zi të nxënësve të Shkollave Shqipe në Amerikë.

Mirënjohjet e prindërve dhe bekimet e gjyshërve jane të pakufishme për themeluesit e shkollave dhe për gjithë mësueset që punojnë me përkushtim për përhapjen e fjalës hyjnore në Shqip.

Programi i Festivalit të katërt të Shkollave Shqipe

Prezantuesja e programit zonjusha Fitore Kaçi ka ftuar gjithë pjesëmarrësit të këndojnë hymnin amerikan ndërsa hymni shqiptar u interpretua nga nxënësja e talentuar e shkollës shqipe në Waterbury Eliana Dani. 

Prezantuesja tha se ne këtë festival marrin pjesë këto shkolla: Shkolla Shqipe “Alba Life” me nje aktivitet 10 vjeçar dhe që operon në disa lagje të Nju Jorkut, Shkolla Shqipe “Bronx”, Shkolla Shqipe Riverdale New Jersey, Shkolla Shqipe Clifton New Jersey si dhe shkolla shqipe “Hasan Prishtina” Waterbury CT.

Programi është hapur sipas traditës me këngën “Gjuha Shqipe, Gjuha Jonë”, muzika Petrika Melo, teksti Kozeta Zylo, orkestracioni Tom Lleshaj interpretuar nga Elsa Kulla, Era Vadahi, Dea Kerliu, Arsi Muda dhe Elira Dzemaili.

Zonjusha Fitore Kaçi ka ftuar në skenë avokatin e mirënjohur Peter Lumaj ish kandidat i Partisë Republikane për postin e Sekretarit të Shtetit në Konektikat.  Avokati Lumaj ka përshëndetur të gjithë pjesëmarrësit, organizatorin dhe mikpritësin z.Rakip Etemi dhe të gjitha shkollat pjesëmarrëse në këë Festival duke iu uruar punë të mbarë.  Z.Lumaj vazhdoi fjalën e tij se është krenari të shikosh gjithë këta nxënës të këndojnë dhe të flasin shqip veshur në kostumet tona të mrekullueshme dhe tejet të larmishme.  Të ruash traditën dhe të mësosh gjuhën Shqipe në Diasporë është një punë e vyer dhe tejet atdhetare pëfundoi avokati Lumaj.

Fjala e tij u mirëprit nga gjithë pjesëmarrësit.

Programi i Festivalit ka filluar me nxenësit e Shkollës Shqipe “Alba Life” në New York me drejtuese artistike sopranon e mirëjohur Dëshira Ahmeti Kerliu.

Dea Kërliu këndoi këngën “Alfabeti Shqip” me tekst të Parashqevi Qiriazit të shoqeruar nga  kori i shkollës Shqipe “Alba Life”.  Kënga e “Mesuesit” orkestracioni Gust Daija. Këndoi dhe luajti në piano Dea Watkins nxënëse e shkollës Alba Life në Staten Island NY.

Dea Watkins këndoi këngën e mësueses interpretuar në piano nga vetë ajo. 

Eneo dhe Kelvin Rustani interpretuan këngën e nënës shoqëruar nga kori i shkollës shqipe.

Për mëmëdhenë kënduan Elsa Kulla, Era Vadahi shoqëruar nga kori i shkollës shqipe.

“Kuq e zi” kënduan: Elsa Kulla, Era Vadahi,  Joana Kulla, Bora Dushi dhe Ilirian Karamuca te shkolles “Alba Life” në Queens, shoqëruar nga kori i shkollave Alba Life  dhe interpretuar nga grupi i valltarëve  të shkollës shqipe në Staten Island, NY të përgatitur nga mësuese Entela Muda.

Shkolla Shqipe në Bronx u paraqit me këtë program:

Kënga për mësuesin: Era Shala dhe grupi.  Prane burimit interpretuar nga Besart Hasangjokaj.  Kënga e nënës interpretuar nga Josef Juncaj, Nora Bruncaj dhe grupi.  Xhamadani vija-vija interpretuar nga Josef Juncaj, Nora Bruncaj dhe grupi.  Melodi në piano, vals nga Tonin Arapi.

Shkolla Shqipe në Qendrën kulturore Shqiptaro Amerikane në Riverdale New Jersey u prezantua me këtë program:  Valle nga grupi i parë, Vallja e Tiranës, Shka Bajram Curri.  Grupi i dytë Potpuri vallesh.

Shkolla Shqipe në Clifton New Jersey solli këngën: “Shqipërinë e duam se jam shqiptar”, Kosovën e duan se jam Kosovar shoqëruar nga kori.  Vallja e Devollit nga grupi i djemve të qendrës.

Ani moj Kosovë o moj bukuroshe kënduar nga kori.

Jam shqiptar kenduar nga Alisa Kapaj.  Kolazh vallesh nga Veriu.  Valle kosovare.

Shkolla Hasan Prishtina Waterbury

Vallja e Mollëve kërceu grupi i shkollës Hasan Prishtina

Eliana Dani intepretoi këngën “Një lahutë dhe një Flamur”. 

Tek burimi Kërceu grupi i fëmijëve

Festë e Madhe: grupi i fëmijëve.

Programi mbaroi me plot sukses dhe në fund të Festivalit Presidenti i Shkollës Shqipe Hasan Prishtina Waterbury Connecticut ka ndarë trofetë për Shkollën Shqipe “Alba Life” dorëzuar Dr.Valbona Zylo Watkins, Shkolla Shqipe në Bronx dorëzuar Violeta Dushollarit, 

Shkolla Shqipe në qendrën kulturore Shqiptaro amerikane në Riverdale New Jersey, dorëzuar z.Abedin Braha.

Shkolla Shqipe në Clifton New Jersey dorëzuar z.Shaban Gjoka drejtor i shkollës në Waterbury dorëzuar z.Xhemal Dani drejtori i shkollës.

Z.Rakip Etemi ftoi gjithe pjesëmarrësit me plot bujari për të drekuar së bashku në qendrën kulturore islamike Hasan Prishtina. 

Festivali i katërt i shkollave Shqipe në Amerikë është një aktivitet i rëndësishëm kulturor kombëtar, por shpesh nga shteti amë Shqipëria lihet në harresë. Shteti i Kosovës dhe ministria e Diasporës së Kosovës është ndjerë shumë më tepër në inkurajimin e punës sonë dhe mbarëvajtjen e shkollave shqipe.

Duke i ndjekur dhe dëgjuar me vëmendje zërat shqiptarë të fëmijëve si një mësuese me një pervojë të gjatë jetësore mendoja se: “Po te ishte Ismail Qemali gjallë do të kishte udhëtuar nga Vlora në këmbë për t’i puthur në ballë një e nga një këta mbrojtës të zjarrtë të Gjuhës Shqipe në Amerikë, ndërsa Fan Noli nga qielli i shpirtit do të ripërsëriste refrenin:  “Mbahu Nëno mos ki frikë/ se ke djemte ne Amerikë”!…

Festivali u filmua nga TV “Alba Life” me kameraman Todd Watkins dhe me fotograf Shpëtim Bardhin.

21 Maj, 2017

Waterbury, Connecticut

Pamje nga aktiviteti

Comments

comments