Para disa kohësh i kemi informuar lexuesit tanë se Avdi Latifi intresohej për tekstin në vargje Ku është Iliri ? nga Kadri Sherifi. Në një shkrim tjetër informuam gjithashtu publikun se kënga do të realizohej në bashkëpunim me grupin Alb-Band të krijuar në Kalgari të Kanadasë dhe se produkti final do të ishte gati për Javën kundër gjakmarrjes (nga 1 deri me 7 shtator 2009)
Nuk doli saktësisht siç ishte paraparë.
Siç dihet korriku dhe gushti janë muaj të pushimeve. Dy anëtarë nga treshja e grupit Alb-Band shkojnë në pushime. Avdi Latifi mbetet vetëm. Ka premtuar se ta bëjë gati këngën për të marrë pjesë në Javën kundër gjakmarrjes të organizuar nga Tribuna Shqiptare dhe nuk i zihet vendi vend, siç thotë një këngë popullore.
Çka bën Avdi Latifi?
Në rrethana të jashtëzakonshme, vendos t’i përvishet punës vetëm. E krijon melodinë, e regjistron këngën dhe boton atë në Youtube vetëm e vetëm për të qenë në takim.
Ju përkujtojmë tekstin e këngës:
KU ËSHTË ILIRI?
Nga Kadri Sherifi
1.
Bie zilja e parë, fillon pushimi
Gjithë klasa pyet: Ku është Iliri?
Shoku i bankës s’di si ta thot’
Por e di mirë se s’mungon kot
Ku është Iliri? pyet Ylberi
Ai ka frikë se e vret nderi
S’e vret nderi i mesjetës
E vret kanuni i neglizhencës
Ku është Iliri? pyet Shpresa
Ai ka frikë se e vret besa
S’e vret besa e mesjetës
E vret kanuni i neglizhencës
2.
Ku është Iliri? pyet Jetoni
Ai ka frikë se e vret zakoni
S’e vret zakoni i mesjetës
E vret kanuni i neglizhencës
Ku është Iliri? pyet Liria
Ai ka frikë nga kryepleqëria
S’e vret kryeplaku i mesjetës
E vret kanuni i neglizhencës
Ku është Iliri? pyet arsimtarja
Ai ka frikë se e vret gjakmarrja
S’e vret gjakmarrja e mesjetës
E vret kanuni i neglizhencës
E vret kanuni i neglizhencës
Tani dëgjojeni këngën në Youtube dhe shpërndajeni tek të njohurit tuaj. Kënga në përgjithësi e ka atë magjinë e vet të bëjë mrekullira. Teksti bashkë me melodinë nguliten në kokë dhe njeriu e ndryshon vetveten dhe të tjerët në mënyrë të pavetëdijshme dhe të vetëdijshme. E ne, si popull, kemi nevojë të ndryshojmë në aspektin që e trajton kënga në fjalë.
http://www.youtube.com/watch?v=YatTuAZ6CKQ
