Të nderuar përfaqësues të mediave, të nderuar gazetarë dhe botues!
Para mëse një viti në Tribuna Shqiptare u botua një artikull i shkruar nga zoti Kadri Sherifi që pati një jehonë të jashtëzakonshme aq sa titulli i artikullit është bërë simbol i luftës kundër gjakmarrjes. Bëhet fjalë për artikullin “KANUNI I NEGLIZHENCËS” (http://tsh.albemigrant.com/?c=130&a=1456) . Pikërisht një vit më pas nga dita e botimit të artikullit në fjalë, më 1 shtator 2009 TribunaShqiptare.com organizon javën kundër gjakmarrjes. Jo vetëm pse kjo përkon me një vjetorin e botimit por edhe për faktin se simbolikisht një shtatori është dita e parë e shkollës dhe shumë e shumë viktima të gjakmarrjes nuk e kanë këtë privilegj pikërisht për shkak të kësaj plage që ka mbërthyer shoqërinë shqiptare. Në këtë kuadër, nga 1 deri më 7 shtator 2009 Tribuna Shqiptare do të botoj shkrime që kanë të bëjnë me këtë temë.
I frymëzuar nga “Kanuni i Neglizhencës, është përgatitur një peticion drejtuar presidentëve të të dy shteteve shqiptare që gjer më sot është firmosur nga mbi 2000 persona (http://www.ipetitions.com/petition/kanuniineglizhences/)
Artikuj të tjerë janë botuar përgjatë këtij viti lidhur me temën e gjakmarrjes nga ana TribunaShqiptare.com por që kanë patur jehonë në mediat e shkruara dhe ato elektronike në Tiranë, Prishtinë e gjetiu. Zoti Sherifi ka vendosur në linjë një libër me titull “Kanuni i Neglizhencës” (http://sivis.net)
Duke besuar se fenomeni i gjakmarrjes dhe zbatimi i një ligji arkaik si ai i Kanunit të Lek Dukagjinit ushqehet veç të tjerash edhe nga opinioni që dënon mos marrjen e gjakut, objektivi i Javës kundër gjakmarrjes ka pikërisht si qëllim krijimin e opinionit që dënon marrjen e gjakut.
Duke u nisur nga fakti se mediat shqiptare të shkruara apo elektronike janë pararoja e mendimit të shëndosh të një kombi, duke u nisur nga fakti se pasqyrimi i një ngjarje të tillë nuk bie ndesh me objektivat dhe strategjitë komerciale të mediave cilado qofshin ato, ju bëjmë thirrje të pasqyroni aktivitete, lajme, shkrime që lidhen me Javën kundër gjakmarrjes.
Jeni të lutur të na dërgoni lidhjen e lajmit të pasqyruar në linjë, formatin PDF të mediave të shkruara me qëllim që ti pasqyrojmë në dosjen që kemi krijuar pë javën kundër gjakmarrjes: http://tribunashqiptare.com/kanuni/
Për ata që duan të vendosin logon e Javës kundër neglizhencës në websitet e tyre ja kodi:
Për të gjithë ata që duan të ndihmojnë ndihma është e thjeshtë, bëjuani të njohur këtë ngjarje miqve tuaj, dërgojeni në profilin tuaj në Facebook, Myspace, Twitter etj etj ose dërgojuani miqve me e-mail. Shkruani mendimin tuaj dhe na e dërgoni, komentoni shkrimet e të tjerëve. Parimi është flisni, flisni dhe flisni sepse kështu ndryshojmë diçka.
Jeni të lutur të komentoni artikujt e botuar tek Tribuna Shqiptare. Mos harroni të vendosni një emër apo një pseudonim sepse kur shkruhet "guest" duket si makina pa targa. Ju mund të përdorni OpenID tuaj për të komentuar tek TSH. Mos harroni se duke komentuar ju ndihmoni...ADMIN
