Shpirti - president thirri urgjent, me një mesazh në rrjetin e fijeve nervore, ndjenjat, pasionet, instinktet, veset, të mblidhen në rezidencën e tij hyjnore.
Ai shpalli me një dekret të posaçëm kabinetin e qeverisjes së lirë të organizmit. Kryeministër emëroi MENDJEMADHËSINË, që shquhej për unin liberal të drejtimit.
Ministër të mbrojtjes - NDJENJËN E HAKMARRJES. PASIONIN PËR PARA - ministër finance. Ministër të rendit - INSTINKTIN E VRASJES. EGOIZMIN - ministër të punëve të jashtme.
Ministër arsimi - PLOGËSHTINË PËR DIJE, me boshllëk truri për telenovela. Vetinë e PASIVITETIT - ministër shëndetësie, me liri të plotë për barnat sajesa.
Ministër tregtie - LAKMINË E FITIMIT. EPSHIN - ministër për kulturën rininë, sportin. Ministër për turizmit dhe ruajtjen e mjedisit - NUHATJEN E ULËT deri tek ekstremi i ndotjes.
Por egërsia, grabitjet, sëmundjet, papastërtitë, arritën shifra që tejkalonin edhe një kafshë. Ato shkaktuan pështjellime e pakënaqësi, protesta të forta brenda trupit dhe jashtë.
Pasi dështoi me turp në punët shtetërore, Shpirti u tërhoq në fildishin e guaskës së vet. Dhe ia la vendin DASHURISË NJERËZORE, të formojë një qeveri të harmonisë së vërtetë...
Jeni të lutur të komentoni artikujt e botuar tek Tribuna Shqiptare. Mos harroni të vendosni një emër apo një pseudonim sepse kur shkruhet "guest" duket si makina pa targa. Ju mund të përdorni OpenID tuaj për të komentuar tek TSH. Mos harroni se duke komentuar ju ndihmoni...ADMIN
