Tribuna Shqiptare: Zotëri Fazli, edhe ju keni luftuar krahpërkrah me atdhetar respektivisht keni pasur bashkëluftëtar nga të gjitha anët e trojeve shqiptare, ndër ta ka pasur më së shumti Prekazas, a mund të na thuani se çfarë i bënë Prekazasit trima, këtë po e themi ngaqë dihet se nga Prekazi ka pasur shumë njerëz që kanë marr pjesë në luftë e fundit?
Fazli B. Lutfiu: Keni të drejt kur thoni se Prekazasit janë trima. Por unë do të shtoja se e gjithë Kosova, respektivisht të gjithë shqiptarët e trojeve shqiptare janë trima kur është çështja kombëtare dhe Shqipëria Etnike në pyetje. Ne që morrëm pjesë në luftën e fundit e kemi parë se sa ka sakrifikuar populli i shqiptar në përgjithësi e në veçanti populli i Kosovës, natyrisht pa ndihmën e të cilit ne luftën nuk do fitonim. Ne frymzohemi nga dëshira që edhe ne shqiptarët duhet ta gëzojmë një jetë më të mirë, një jetë që nuk do të dallohej nga bota demokratike dhe e civilizuar. Pse pra edhe ne shqiptarët të mos e kemi në jetë të mirë i thosha vetës gjatë ditëve të luftës, këtë gjë e bisedoja edhe me shokët e mi. Për hir të vërtetës ne prekazasit kemi pasur arsye më të madhe të jemi të guximshëm dhe ti kundërvihemi shkaut, pikërisht për shkak se ata ishin këtu në cilësi të okupatorit, ata nuk na lënin rehat në vendin tonë(lexo në Prekazin tonë), ata gjatë gjithë kohës prekazasit i ngacmonin, i rihnin dhe i vrisnin. Duke i përjetuar dhe parë të gjitha këtë poshtërsira çka duhej të bënim ne Prekazasit, të rinim duarkryq?, jo qe besa, ne “temena” nuk i bëjmë askujt, e aq më tepër shkaut.
Tribuna Shqiptare: Ju qysh si nxënës keni qenë pjesëmarrës i demonstratave, aty jeni “infektuar” se për çështje kombëtare vlenë dhe duhet edhe të vdiset, dhjetë vjetë më vonë ju merrni pjesë aktivisht në luftën e fundit.Në luftë keni njohur luftëtëtarë të kauzës gjithëkombëtare nga të gjitha anët e trojeve shqiptare, pas luftës keni ndihmuar popullin në pajtimin e ngatrresave, në pajtimin e konflikteve të ndryshme, na tregoni ndonjë rast të veçant nga lufta dhe nga koha e pajtimit të ngatërresave?
Fazli Bajram Lutfiu: Shikoni njeriu në luftë ka momente të ndryshme dhe të paharrueshme Edhe unë kam momente të paharruar nga lufta që shkoi. Unë me disa dhhjetëra shokë gjatë ushtrime ushtarake kam pasur rastin të njihem drejtpërsëdrejti edhe me komandantët e luftës. Më 1991 takimi me Adem Jasharin, Zahir pajazitin, Salih Çekun dhe luftëtarë të tjerë për mua janë takime të paharueshme. Vërtetë kishin qenë shokë të mirë, trima e luftëtar të denjë. Në çdo aspekt ata kishin qenë burra.
Tribuna Shqiptare: Ju pas mbarimit të luftës bashkë me disa shokë themeluat Shoqatën Atdhetare për Identitet dhe Bashkim Kombëtar, në platformën e së cilës është lufta demokratike për realizimin e amanetit të bashkëluftëtarëve për ribashkim kombëtar, çfarë ju shtyri përveç amanetit të bashkëluftëtarëve tu, ta themeloni këtë shoqatë?
Fazli Bajram Lutfiu: Duke parë se nga dita në ditë po largoheshim nga betimi që kishim dhënë, duke parë që nga dita në ditë jemi duke u larguar nga koncepti i ribashkimit kombëtar, unë me disa shokë pas bisedave disa muajshe vendosëm ta regjistrojmë një shoqatë mbarëkombëtare me një program të qartë për ribashkim kombëtar. Pas pak kohe ne shoqatën e regjistruam në Tiranë dhe degën e saj e hapëm në Prishtinë, për hir të vërtetës shoqatën edhe në Kosovë u dashtë ta regjistrojmë, kështu Shoqata hë për hë vepron edhe në Shqipëri edhe në Kosovë, dhe që të dyja e zbatojnë programin që kemi . Për të përfshirë sa më shumë bashkëkombas, degët e shoqatës i kemi hapur gjithandej trojeve shqiptare, natyrisht edhe në diasporë. Hë për he kemi rrethë 12 mijë anëtarë, aktivitetin e zhvillojmë në harmoni me platformën dhe rregulloret që i kemi në fuqi. Me qëllim nuk dua të përmendi emra që bëjnë pjesë në mbarëvajtjen e punëve tona, ngaqë ka shumë.
