QIRJAKO SAVA, ARTISTI

12/01/2018   Krijimtaria, Portert

Nga Luan Çipi

 

Asnjëherë nuk të ndava,

Ishim shokë qysh fëmijë,

Si artist, Qirjako Sava,

Në kujtesë për jetë do rijë:

Djalë i ri, u bë aktor,

Në estradë dhe në teatër,

Me Pirro Savën, në Vlorë

Krijuan një vizion tjetër.

Frymë të re i dhanë aktrimit,

Në art e ngritën shakanë

Me Gaq Vishin, Myqeremin,

Evgjeninë dhe Melihan;

Leka Krutën e Panozaqin,

Humoristë dhe këngëtar;

Flamur Laro, Vangjel Pici,

Skenaristë e shkrimtar;

Nuk ka si t’u hahet haku:

Albert Verisë, mal talenti,

Regjisor Nazmi Bunjaku,

Agron, Afrim, Mane, Meti.

Qirjakua, skenarë shkroi

Për estradë dhe komedi,

Regjisor trupën drejtoi,

Ish estrada shpirti i tij.

Boksier dhe edukator,

Artist filmi, parodist,

Po, mbi të gjitha aktor,

Recitues e panteist,

Meritoi tituj të lartë

Si Artist i Merituar,

Naim Frashrin e Artë,

Nderi i Vlorës-yll i shquar!

Vlorë, më 01.12.2018

 

 

Comments

comments

-----
,