PERENDIM DIELLI MBI SAZAN
Nga Luan Çipi
S’ka mrekulli më të madhe:
Dielli po zbret mbi Sazan!
Ikin larg dhimbje e halle,
Flakë të purpurta çdo anë!
Ndërrojnë ngjyrë det e qiell,
Gjithë natyra zbukurohet,
Njësh duken: hënë e diell,
Reja kuqon, flakërohet!
Kjo Vlora jonë këtë herë
Oshëtin si kurrë më parë,
Gjallojnë ngado kantier:
Aeroport e Port detar,
Rrugë të reja me bajpas,
Shëtitore e Lungomare
Dhe Tuneli i Llogorasë,
Vlora, krenari shqiptare!
Vlorë, më 05. 08.2018
Comments
-----