BULEVARDI I PORTOKALLEVE
Nga Luan Çipi
Kur u ndërtua për së pari, ishin vitet e halleve,
Vendi i dalë nga lufta, gjithçka e shkatërruar,
Koha e pagëzoi: “Bulevardi i Portokalleve”,
Shëtitore e bukur, për Vlorën dhuruar.
Me adhurim, Kristo Papajanin kujtonim,
Krye vlonjatin e parë, mendje ndritur,
Nga Vlora në Skelë, të lumtur udhëtonim,
Krenar për qytetin, ku ne kishim lindur!
Shkuan tridhjetë vite, rruga u zbukurua:
U zgjerua, u gjelbërua e anash me trotuar,
Portokallia me palma, gjithandej u ndërrua,
Hijeshi të tillë, kund nuk kishim parë!
Veç tani sodisim gërryerjet, si me dhëmbë,
Bulevardi, po kthehet në tjetër lloj shëtitore,
Kopjo e Lungomares, të ecim më këmbë,
Më pak automjete, më shumë këmbësorë!
Unë qajë si poet, pëshpëritë me vete:
Po e teproni vëllezër, qoftë nga dashamirësia,
Nuk ka ardhur koha për këto salltanete,
Ka halle të tjera Vlora dhe Shqipëria:
Ndaloni fekalet, që derdhen në det,
Për Kaninë e Fier, ndërtoni bajpaset,
Ujë cilësor të pijshëm, kudo le të ketë,
Rruga “Lumi Vlorës”, sa me shpejt të qaset.
Vlorë, më 10.07.2018
Comments
-----