MIRËSEERDHE QERIM VRIONI

08/27/2018   Krijimtaria

Nga Luan Çipi

Midis nesh erdhi Qerim Vrioni,

Mjeshtër i hershëm i profilit elektrik,

E pritëm te “ROSSi”, siç e do zakoni,

E ulëm në një qoshe, si krye mik.

 

Studiuesi ka hapur për vendin një dritare,

Ndaj nderimin tonë e ka të merituar:

Krijoi “historinë e fotografisë shqiptare”,

Disa libra me vlerë për të i ka shkruar.

 

Nis me Kel Marubin, i njohur nga bota,

Shkruan për fotografët e parë në Vlorën tonë:

Për shkodranët Kolec Maca dhe Gjon Rrota;

Idromenon, Racin, Burdon, e të tjerë nderon.

 

Fotografia botërore, pesëqind vjet festime,

Në Shqipëri, njëqindepesëdhjetë vjetori,

Ka dhe falsifikime, ndryshime e retushime,

Qerim Vrioni, si bleta në hojet, mjalt nxori.

 

Historiani ynë, i përzgjodhi në botë ngado

Krijuesit e shquar, fotografë shqiptarë:

Dhimitri Mborjen e Gjon Milin hero,

I studioi dhe ngriti për ta lapidarë.

 

Tavolina e pleqve te “ROSSI”, ushton:

Përmend fotografët plot lavdi e nder,

Krijuesin Vrionas, me zemër përgëzon,

E uron për vepra të tjera me vlerë!

 

Vlorë, më 25 Gusht 2018

 

 

Comments

comments

-----
, , ,