U nda nga jeta historiani dhe atdhetari, Rasim Bebo!
Nga Vilhelme Vrana Haxhiraj
U nda nga jeta, Rasim Bebo, sot më 12 dhjetor 2017, historiani ,studiuesi, publicisti nacionalist dhe shqiptari që e donte kombin e tij të pagjymtuar.
U njohëm me Z.Rasim vitin e kaluar më 14 tetor 2016 ,në Tiranë, ku kaluam një ditë të bukurbashkë , Z. Rasim, Vullnet Mato, Bashkëshorti im ,Fitim Haxhiraj dhe unë. Ishte kënaqësi ta dëgjoje kur rrëfente.U ndamë si miq të vjetër, me shpresë se do të ritakoheshim, por…
Shqiptari i madh, Rasim Bebo kishte lindur në Shalës, të Çamërisë, më 14 prill të vitit 1926 . Ka pasur një jetë mjaft aktive. Qysh në rini u rendit në Batalionin e parë të Shqipërisë Jugore më 1943, me emrin “Çamëria”. I përndjekur nga forcat shoviniste greke,si gjithë thesprotët, emigroi në tokën amë , më në veri, në Shqipërinë Londineze.
Ka kryer studimet e larta në Katedrën Histori Filologji. Si gjysma e shqiptarëve, ka provuar luftën e egër të klasave nga diktatura komuniste. Ka punuar mësues, ushtarak si tankist, por qysh në vitet 60, ia mohuan profesionin .Pas viteve ’90 emigroi në ShBA, u vendos në Çikago, ku u muar me aktivitetet shoqërore , me studime historike dhe me publicistikë, duke realizuar ëndrrën që ia prenë në mes.
Ka botuar shumë libra, si:
“Zeusi”,
“Dodona”,
“Artikuj dhe ngjarje “- (Pjesa- e parë dhe e dytë).
“Shqipëria në gjurmët e kohës”.
“Histori me shlkronja gjaku”.
“Amerika me rrënjë shqiptare.”
“Shala e kalit të jetës”, – si dhe autor i shumë artikujve historiko-socialo-politik, në organet e shtypit, mediat vizive dhe ato elektronike. Në gjithë krijimtarinë e tij Rasim Bebo dallohet për atdhedashuri, nacionalizëm në mbrojtje të etnogjenezës së shqiptarëve, lashtësisë së kombit dhe si e ka vlerësuar bota kombin më të lashtë të kontinentit.
Le të shohim disa nga artikujt publicistikë të Rasim Bebos:
*Kristo Frashëri preu me gërshërë rrënjët tona pellazge”.
*George Washington me nënë shqiptare”.
*Frika e intelektualëve të politizuar nga emri “Pellazgë”.
*Historia e Çamërisë së sakatosur”.
*Ç’përfaqëson Dodona mijëvjeçare pellazge-për mollosët,
thesprotët, kaonët e pasardhës”.
*Figura historike në Harresë”
*Strategjia e Ramiz Alisë”.
*Pellazgpo-spartanët”- studim
*Rezoluta Çame u tradhtua”
*Kur del armike vete pjella çame! Fatkeqesia me e madhe”
*Çamëria e përgjakur”
|
Rasim Bebo, si intelektual i mirëfilltë,i kompletuar me arsim të lartë, njohës i gjuhës gjermane, dhe pse në moshë të madhe ,dallohet si activist në problematikat kombëtare. Të gjitha këto bënë që Rasim Bebo të fitojë respektin e shqiptarëve që u dhemb Shqipëria.
Punoi ky njeri i mirë, la vepra të vyera, la një emër që do të shkruhet me shkronja të arta , gjë që e bënë të paharrueshëm.. Por fatkeqësisht Rasimi, ky njeri i dashur për të gjithë ata që e njihnin apo e kishin lexuar, u nda fizikisht për t’u transformuar në një gjendje tjetër që e bën të përjetshënm portretin e tij.
Qoftë i paharruar kujtimi i Rasim Bebos, si bashkëshort e prind shembullor, si gjysh i dashur për nipër e mbesa, si dhe mik i shtrenjtë për të gjithë ata që e kanë njohur dhe e kanë lexuar krijimtarinë e tij.Lamtumirë, o shqiptar i mirë! Lamtumirë miku ynë! E lehtë të qoftë balta!I përjetshëm qoftë kujtimi juaj!
Ngushëllime të përzemërta familjes Bebo!
Vilhelme e Fitim Haxhiraj
Comments
-----