KU PO SHKON, PRINCESHA VLORË?
Nga Luan Çipi
Deti mbushur me vaporë,
Dhe ndërtimet ecin varg.
Ku po shkon, princesha Vlorë,
Më e bukura përqark?
Ti, po shtrihesh drejt Orikut,
Brigje e kodra pushton,
Gjallërojnë Adriatikut,
Djemtë që fluturojnë me klon.
Përqark çdo gjë e përkorë:
Deti, pishinat, njeriu,
Uji i butë, i ftohtë borë,
Të flladit me errë veriu.
Ushqimet, bio nga fshati
Pa hile e kimikate,
Djathi: Kuç, Brat, Kallarati,
Keca e qengja t’ Dukate.
Qumësht, gjalpë: Pilur, Palasë
Portokall: Dhërmi, Vunoi,
Perime: Radhimë, Tragjas ,
Rrush e fiq: Kulls, Qeparoi.
Vera është vetëm prej rrushi,
E llojit Vlosh Nartjoti,
Gotën, kush e rimbushi,
E kthen me fund, si qëmoti.
Gatimet, mend do t’i mbani,
Pak e saktë e me cilësi,
Kocja, dhuratë Dalani,
Frutat e detit, me shijë!
Ha e pi – det, dush e diell,
Theku gjatë mbi rërë sot!
Të kërkosh në tokë e qiell,
Nuk gjen si Vlora në botë!
Tiranë, 25.10.2017